Krieket by Laerskool Rustenburg



By Laerskool Rustenburg is krieket meer as net 'n sport – dit is 'n passie wat met trots en vasberadenheid uitgeleef word. Onder die bekwame leiding van mnr. Gerhard Pretorius, het krieket by Larries gegroei tot 'n dinamiese en hoogs kompeterende sport.

Ons krieketspanne neem jaarliks deel aan die Noordwes-ligareeks, aandreekse teen buurskole, asook Super 12-wedstryde teen top skole in die streek. Met toewyding, spanwerk en uitnemendheid het Larries al verskeie kere as wenners uit hierdie uitdagende kompetisies getree.

Of dit nou op die veld is met 'n kragtige hou of strategiese boulbeurt, Larries slaan beslis krieket vir 'n ses wanneer dit by prestasies kom. Ons spelers is nie net tegnies vaardig nie, maar dra ook trots die waarde van sportmangees, respek en trots op ons groen, oranje en wit.

By Larries bou ons nie net krieketspelers nie – ons bou kampioene.